Andrej Kabjakoŭ

Andrej Vladimirovich Kabjakoŭ (bielorussian:Андрэй Уладзіміравіч Кабякоў, russ: Владимирович Кобяков) es un politico de Bielorussia. Il nascet li 21-im de novembre 1960 in Moscva e esset inter li 27-im de decembre 2014 e li 18-im de august 2018 prim-ministre de Bielorussia.

Personal e professional vive

Andrej Kabjakoŭ nascet in Russia e habita desde il have tri annus sur li territorie de Bielorussia.

Andrej Kabjakoŭ studiat ingeniero de aviation in Moscva e economie in Bielorussia. Il laborat in li statal controlle del economie in Bielorussia.

Andrej Kabjakoŭ es maritat e have un filia e un filio.

Political cariera

1998 Kabjakoŭ devenit chef del Statal Comité del Controlle.
2000-2001 Unesim vice-prim-ministre de Bielorussia.
2002-2003 Kabjakoŭ esset ministre de economie de Bielorussia.
2003-2010 Vice-prim-ministre de Bielorussia.
2011-2012 Ambassador de Bielorussia in Russia
2012-2014 Chef del stabe del presidente Aleksandr Lukashenko.
2014-2018 Andrej Kabjakoŭ esset li 27-im de decembre 2014 e li 18-im de august 2018 prim-ministre de Bielorussia.
2018 Presidente Aleksandr Lukashenko demisset Andrej Kabjakoŭ quem prim-ministre de Bielorussia li 18-im de august 2018.