Ambrose Bierce

Ambrose Gwinnett Bierce esset un us-american scitor e jurnalist, qui nascet li 24 de junio 1842 in Meigs County in li state Ohio in li Unit States de America e morit in li annu 1914 in Chihuahua (México).

Ambrose Bierce (sur un portrete de J.H.E. Partington)

Bierce esset un bizarri personalitá. In li etá de 15 annus il forlassat su genitores e combattet in li guerre intern del Unit States ínter 1861 e 1865 por li nord-states. Il devenit jurnalist e laborat quam correspondent in London in li Reyatu Unit e in li cité capital del Unit States Washington, D.C..

Bierce desaparit misteriosimen durante li revolution méxican in li annus 1913/14. Bierce esset un grand cinico e scrit mult curt racontes. Solmen pos li duesim guerre mundal on comensat estimar su ovre.

Ambrose Brose es hodie considerat quam un del fundatores del modern horrore-litteratura juntmen con li plu conosset scritores Edgar Allan Poe e H. P. Lovecraft.