Ahmed Dogan
Ahmed Demir Dogan (bulgarian: : Ахмед Демир Доган) es un politico e oligarch de Bulgaria. Il nascet ye li 29-im de marte 1954 in li village [Pchelarovo]] e esset li fundator e li presidente del partise Movement por Jures e Libertás del turc minorita in Bulgaria Movement por Jures e Libertás inter 4-im de januar 1990 e li 19-im de januar 2013. Ahmed Dogan esset membre del parlament de Bulgaria inter 1990 e 2013. Ahmed Dogan ancor honor-presidente del partise Movement por Jures e Libertás.
| Ahmed Dogan | |
|---|---|
 | |
| Land |  Bulgarie
|
| Nascentie | 29-im Marte 1954 in Sofia |
| Partise | Movement por Jures e Libertás |
| Oficies | |
| Presidente del Movement por Jures e Libertás | |
| Quande | 4-im de januar 1990 til 19-im de januar 2013 |
| Antecessor | ne esset |
| Successor | Lyutvi Mestan |
Personal e professional vive
modificarAhmed Dogan studiat filosofie in Sofia e fat anc su doctoratu al universitá de Sofia. Pos su studies il laborat quam docent al Institut por Filosofie del Universitá de Sofia.
Hay documentes secun tis Ahmed Dogan laborat quam secret agent por li servicie secret del comunist Bulgaria, ma il esset arestat in li annu 1986 pro su activitá por un Movement de Liberation del turcs in Bulgaria. In li annu 1987 Ahmed Dogan esset condamnat a 10 annus prison, ma il esset amnestiat in li annu 1989.
In li januar 2013 Ahmed Dogan supervivat un attentate. Un mann fusilat a Dogan con un pistole, ma li pistole ne functionat. Pos li attentate Dogan declarat que il ne plu vole candidar quam presidente del partise Movement por Jures e Libertás.
Ahmed Dogan esset longmen in un strett relation con li oligarch Delyan Peevski. Hay numerosi reproches que Dogan es implicat in coruption, ma til nu il nequande esset condamnat.
Ahmed Dogan esset duvez maritat e have du infantes, Nu il es juntman con li foto-modelle Alten Alieva (Алтен Алиева).
Political cariera
modificar- 1990 Ahmed Dogan fundat li partise Movement por Jures e Libertás, quel vole representar li turc minorita in Bulgaria e es electet in Grand Assemblé de Bulgaria.
- 1990-1991 Ahmed Dogan esset membre del Grand Assemblé de Bulgaria.
- 1990-2013 Ahmed Dogan esset li presidente del partise Movement por Jures e Libertás inter li 4-im de januar 1990 til 19-im de januar 2013.
- 1991-2013 Ahmed Dogan esset membre del parlament de Bulgaria.
- 2013 Ahmed Dogan es electet quam honor-presidente del partise Movement por Jures e Libertás.
- 2024 Conflict inter Ahmed Dogan e li oligarch Delyan Peevski pri li direction political del partise Movement por Jures e Libertás.