6-im millennie AC - 5-im millennie AC - 40-im centennie AC


Potteríe del cultura Cucuteni-Trypillia, quel existet in li region de modern Moldavia.
Nigri potteríe del Cultura Hemudu de ti-ci millennie in China.
Secun li cronologie de James Ussher, li creation del Terra evenit in ti-ci millennie.

Li 5-im millennie AC extende se inter li annus 5000 AC til 4001 AC (ante 7 mill til 6 mill annus). It es ínpossibil a datar evinementes con precision in ti-ci millennie, e omni dates mentionat ci es estimationes precipue basat sur geologic e antropologic analise, o sur datation radiometric.

Comunités modificar

On crede que li rapid crescentie del population mundal pro li Neolitic Revolution alentat se e li population devenit plu o minu stabil. On estiba que circa 40 million persones vivet tra li munde vers 5000 AC, quel crescet til 100 million in li Medial Bronzin Era c. 1600 AC.

Europa modificar

Li Cucuteni-Trypillia cultura comensat c. 4800 AC. It centrat se in modern Moldavia e durat por tri definit fanes til c. 3000 AC. De c. 4500 AC til c. 2500 AC, un singul lingue nominat Proto-Indo-Europan (PIE) existet quam li precursor de omni Indo-europan lingues, ma null scrition in ti lingue existe. Li auxlingue sambahsa es basat sur un simplificat form de PIE.

China modificar

Li civilisation chinés avansat con li comenses de tri notabil culturas ye c. 5000 AC. Li cultura de Yangshao basat se in li bassine del Huang He (Yelb Rivere) e durat por circa 2,000 annus. On crede que svines esset domesticat ta por li prim vez. On creat potteríe in kilnes excavat del terre, poy pictet. On cultivat millete. Anc li cultura de Hemudu comensat c. 5000 AC in li ost de China con li cultivation de ris, e li cultura Majiabang sur li estuarie del Yangtze proxim a modern Shanghai, quel durat til c. 3300 AC.

Australia modificar

On estima que li distintiv ciselaturas petrin proxim a Sydney esset creat alquande inter 5000 AC e 3000 AC.

Africa modificar

On estima que li comense del Pastoral Neolitic evenit in li posteriori fase del Verdi Sahara, in li 6-im o 5-im millennie AC. To esset ante li fine del African humid periode (c. 3900 AC) e li exsiccation del Verdi Sahara. Tande, sub-saharan Africa restat in li Paleolitic. Durant que li herbieras del Sahara comensat exsiccar, li pasteros translocat se ad-in li Valley del Nile, e verse li medie del 3-im millennie AC ad-in ostic Africa.

Calendares e cronologie modificar

Li 5-im millennie es li punctu de comense por mani calendares e cronologies, ma solmen un inter ili es basat in li realitá. Li annu 4750 AC es li retrospectiv punctu de comense por li assirian calendare, marcante li traditional date por li fundation de Assur, circa 2,000 annus ante li real fundation.

Un altri date traditional es 19 julí 4241 AC, quel marca li suposit comense del Calendare egiptian, quam retrospectivmencalculat de Eduard Meyer. Li plu versimil punctu de comense es 19 julí 2781 AC.

Secun li cronologie de James Ussher (calculat ex li dates mentionat in li Old Testament del Bible), li creation del Terra evenit ye 22/23 octobre, 4004 AC.

Li sol date exact in li 5-im millennie es lunedí, 1 januar 4713 AC, li comense del actual Periode Julian, descrit por liprim vez de Joseph Justus Scaliger in li 16-im secul. Li Periode Julian dura 7,980 annus til li annu 3268 AD, e es un util mesurette por conversiones de date inter diferent calendares.