Vale (guernseyesi: Lé Vale) es un del deci parocias del insul Guernsey. It es li max nord region de Guernsey. Li nord-ost parte de Vale eeset sub li nómine Le Clos du Valle un marea-insul quel esset dividet per li strett mar-strette Le Bray du Valle de Guernsey. Ci mar-strette esset drenat e ligat con Guernsey in li annu 1806 quam mesura del militari defense del guvernament del Reyatu Unit. Hodie li parocia consiste ex du territorias quel ne es directmen ligat.

Li geografic location del parocia Vale in Guernsey

Li parocia Vale have 9573 habitantes e un area de 8,8 quadrat-kilometres.

Vale have pluri sand-plages con li bayes Port Soif e Pointiner in li nord, Baie de la Jaonneuse in li nord e Bordeaux Harbour in li ost e li long sand-plages Ladies Bay, Pembrooke Bay e L'Ancresse Bay.

Nord del portu de Saint Sampson es situat li castelle Vale Castle quel es hodie solmen un ruine. In li nord-ost de Vale es situat li privat portu Beaucette Marina. In li nord del parocia on trova li collone-tomb Le-Déhus ex li era del petre del megalit-cultura.