Ciclon tropical
Un ciclon tropical es un rapidemen rotant sistema tempestic caracterisat per un centre de pression bass, ventes fort, e un arangeament spiral de tempestes de tónnere que producte fort pluvie. Dependent sur su location e fortie, un ciclon tropical mey esser nominat un urugane, tifon, tempeste tropical, tempeste cyclonic, depression tropical, o, solmen, ciclon.
.jpg)
Ciclones tropical tipicmen forma supra corpores grand de aqua calid o tepid. Ili deriva lor energie pro li evaporation de aqua ex li superficie oceanic, quel finalmen recondensat ad-in nubes e pluvie quande aere humid leva se e frigida a saturation. Ti fonte energic difere de quo de tempestes ciclonic del medi-latitúdine, que obtene energie precipue per contrastes horizontal de temperatura. Li fort ventes rotant del ciclon tropical es un resulte del conservation de momente angulari causat per li rotation del Terra quam aere flue vers li interiore al axe de rotation. Talmen, ili forma rarmen intra 5° del equator.[1] Ciclones tropical es usualmen inter 100 e 4000 km in diametre.
Tropical refere al origine geografic de ti sistemas, quel forma presc exclusivmen supra mares tropical. Ciclon refere a lor natura ciclonic, con vente sufflar in sensu antihorlogic in li Hemisfere del Nord e in sensu horlogic in li Hemisfere del Sud. Li direction contrari de circulation es pro li efecte de Coriolis.
Adplu ventes e pluvie fort, ciclones tropical posse generar undes alt, damage pro undeation tempestic, e tornados. Ili tipicmen debilisa rapidmen supra terre u ili es isolat de lor principal fonte energic. Por ti cause, regiones littoral es tre vulnerabil a damage de un ciclon tropical in comparation al regiones interior. Pluvies fort, tamen, posse causar inundationes significante vers li interiore, e undeationes tempestic posse producter extensiv inundar littoral til 40 km del costa. Benque lor efectes sur human populationes es sovente devastant, ciclones tropical posse mitigar siccores. Ili anc porta energie caloric for del tropics e transporta it vers latitúdines moderat, que posse modifica clima regional e mundial.