Ulrike Trebesius

Ulrike Trebesius es un feminin politico de Germania. Ella nascet li 17-im april 1970 in Halle (Saale) e es desde li 1-im de julí 2014 un membre del Europan Parlament por li partise Alternative por Germania. In li julí 2015 Ulrike Trebesius forlassat li partise Alternative por Germania. Li 19-im de julí 2015 ella esset electet quam generalsecretario del nov fundat partise Alliantie por Progresse e Departe.

Ulrike Trebesius in li annu 2014

Personal e professional vive

Ulrike Trebenius es un studiat construction-ingeniera e ella labora in un construction-firma proxim de Pinneberg. Ella es maritat con un interprendero de construction de Hamburg e have un filia. Ella habita in li Districte Steinburg in Schleswig-Holsteinia.

Political cariera

• 2013 Ulrike Trebesius devenit un membre del partise Alternative por Germania e devenit parlatora del partise in Schleswig-Holsteinia.
• 2013 In li octobre 2013 ella candidat por li parlament de Germania sur li liste del Alternative por Germania.
• 2014 Ella candidat por li Europan Parlament sur li position six del liste del Alternative por Germania. Desde li 1-im de julí 2014 ella es un membre del Europan Parlament. Ella es un membre in li comité por Labor e social aferes e vice-directora del comité por li interiori mercate e li protection del consumpteres del Europan Parlament.
• 2015 Ulrike Trebesius esset electet quam presidente del organisation Weckruf 2015 in li may 2015 e ella forlassat li partise Alternative por Germania pos li victorie del dextri fraction sur li partise-congress in Essen. Li 19-im de julí 2015 ella esset electet quam generalsecretario del nov fundat partise Alliantie por Progresse e Departe.