Truro

Truro (cornesi: Truru, de etimologie incert, fórsan de un nómine significant 'tri fluvies') es un cité in li sud-west de Anglia in li Reyatu Unit. It es li cité capital del comtía Cornwall. It es situat in li centre de Cornwall al confluentie del fluvies Kenwyn e Allen queles forma juntmen li River Truro.

Li catedrale de Truro

Li cité have 20.332 (2011) habitantes.

In 1876 un nov diocese de Truro in li eclesie de Anglia esset createt. Truro have per consequentie desde li annu sequent li statu de un city in Anglia. It es li sol city in li comtía Cornwall e li max sud city del Reyatu Unit.

Li catedrale in li stil nov-gotic esset constructet inter 1880 e 1910.