Thomas Kemmerich

Thomas Karl Leonard Kemmerich es un politico de Germania. Il nascet li 20-im de februar 1965 in Aachen e esset electet quam prim-ministre del país federal Thuringia li 5-im de februar 2020 por li Líber Democratic Partise de Germania. Su election per un centre-dextri majorité inclusiv li dextri partise Alternative por Germania esset un political sensation e surprise in Germania. Il anunuciat pos massiv menacies de radical levul extremistes contra il e su familie e pressura de su propri partise li demission de ti function li 6-im de februar 2020.

Personal e professional vive

Pos li scola in Aachen Thomas Kemmrich fat un aprentisage quam comerciant. Thomas Kemmerich studiat jurisprudentie in Bonn. Il finit su studies in li annu 1989.

Kemmerich translocat a Erfurt e devenit consiliator por firmas. Il devenit chef del frisero-firma Friseur Masson AG.

Thomas Kemmerich es maritat e have six infantes.

Political cariera

2007 Thomas Kemmerich devenit chef del organisation del Líber Democratic Partise de Germania in Erfurt.
2009-2015 Membre del parlament del país federal Thuringia e membre del consilie municipal de Erfurt.
2011 Kemmerich devenit presidente del organisation Liberaler Mittelstand quel es ligat con li Líber Democratic Partise.
2015 Thomas Kemmerich devenit presidente del Líber Democratic Partise de Germania. in Thuringia.
2019 Kemmerich devenit li prim-candidate del Líber Democratic Partise de Germania por li electiones al parlament de Thuringia. Il esset electet denov in li parlament e devenit li presidente del fraction del Líber Democratic Partise de Germania in Thuringia.
2020 Thomas Kemmerich esset electet li 5-im de februar 2020 quam prim-ministre de Thuringia por li Líber Democratic Partise de Germania. per votes de Cristan Democratic Union de Germania e del Alternative por Germania. Il anunuciat pos massiv minacies de radical levul extremistes e pressura de su propri partise li demission de ti function li 6-im de februar 2020.
2024 Thomas Kemmerich esset contra li volentie del national presidentie de su partise li prim-candidate del Líber Democratic Partise por li electiones al parlament del país federal Thuringia.