Thomas Haldenwang
Thomas Haldenwang es un political functionario e politico de Germania. Il nascet li 21-im de may 1960 in Wuppertal e es desde li novembre 2018 li presidente del Bundesamt für Verfassungsschutz, quel es li servicie secret de Germania por interni aferes. In li annu novembre 2024 il perdit su oficie pos il anunciat candidar por li parlament de Germania por li Cristan Democratic Union de Germania.
Personal e professional vive
modificarThomas Haldenwang studiat jurisprudentie in Marburg. Pos su studies Haldenwang comensat laborar in li administration del ministerie por interni aferes de Germania.
Desde li annu 2009 il laborat in li Bundesamt für Verfassungsschutz. Inter 2012 e 2013 Haldenwang ductet li departement Central Servicies in li servicie por interni aferes. Inter 2013 e 2018 Haldenwang esset vice-presidente del Bundesamt für Verfassungsschutz sub Hans-Georg Maaßen. Il devenit li successor de Hans-Georg Maaßen pro intervention del german prim-ministra Angela Merkel e su partise Cristan Democratic Union de Germania.
Thomas Haldenwang anunciat in li novembre 2024 que il intente candidar por li parlament de Germania por li Cristan Democratic Union de Germania in li electiones parlamentari 2025.
Critica
modificarCriticos egarda Haldenwang quam political marionette del german prim-ministra Angela Merkel e su partise Cristan Democratic Union de Germania in li political combatte contra li dextri partise Alternative por Germania. Por ti scope Halderwang misusa li Bundesamt für Verfassungsschutz secun li opinion de su antecessor e ex-chef Hans-Georg Maaßen. Haldenwang es self membre del Cristan Democratic Union de Germania.