Taiwan

Taiwan o Republica de China es un state in li ost de Asia. It consiste ex li insul Taiwan quelc litt insules. Taiwan nomina se oficialmen li Republica de China, ma in facte es un índependent state quel trova se sur ti insul pos li falliment in li guerre con li Popolari Republica de China. Pro li Politica de un Sol China secun quel omni landes volent haver relationes con China deve aconosser Taiwan quam un parte de China, Taiwan es reconosset de solmen 24 states. Li oficial lingue de Taiwan es chinesi.

Tepublica de China
華民國
Zhōnghuá Mínguó

Cité capital	Taipei
Lingues	Chinesi
Area	35 980 km²
Population	23 113 990
Valuta	Dollar nove taiwanesi (TWD)

Historie

Li state Taiwan have 23.367.320 (2013) habitantes e un area de 36.179 quadrat-kilometres. Li cité capital de Taiwan es Taipei. Inter 1895 e 1945 Taiwan esset un colonia de Japan. In li annu 1949 pos li defete in li guerre intern contra li comunistes li national-chinesi guvernament retirat se a Taiwan. Li Popul Republica de China regarda til hodie Taiwan quam su 23-im provincia.

Li guvernament de Taiwan egardat se longmen quam sol legitim representante del tot China. Til li annu 1971 li guvernament de Taipei representat li tot China che li Organisation del Unit Nationes. In ti annu Taiwan esset excludet ex li Organisation del Unit Nationes.

Politica

Desde li annus 90 del 20-im secul Taiwan es un democratie.

• Presidente: Lai Ching-te
• Prim-ministre: Cho Jung-tai

Sport

Taiwan partiprende in international sport evenimentes quam li Olimpic Ludes sub li nómine Chinese Taipei con un special flagga. Li max popular sportes in Taiwan es baseball e badminton