Ténnis

Ténnis es un sport por du o quar persones. On deve batter un balle con un ténnis-rácket súper un rete in un camp in quel sta li altri lusor. Desde li annu 1988 ténnis es in li programma del Olimpic Ludes. Ténnis es ludet de féminas e mannes, ma normalmen separat. Solmen in quelc torneyes hay tal-nóminat mixed (mixet duble), in un tal casu un team consiste ex un mann e un fémina.

Historie

Li precursor de ténnis es li sport Jeu de Paume. It es ludet in Francia in cortes de monasteres e in li ball-domes. Inter li annus 1500 e 1600 li unesim special campes por ténnis esset constructet in Francia.

Contar de punctus

Un tennis-match consiste ex pluri sets. Un set es finit quande un lusor atinge six ludes e have adminim du ludes plu quam li altri lusor. On gania un lude si on gania quar punctus. Ma on conta li punctus: deci-quin, triant, quarant e lude. Anc ci un lusor deve haver un distantie de du punctus por ganiar li lude. Durant un lude sempre li sam lusor comensa li lude per un tal-nóminat servicie. On lude til un lusor ha ganiat du o tri sets. Un normal ténnnis resultate vell esser por exemple: 4:6, 6:3, 6:4.

International organisation del ténnis

Ténnis hodie es un professional sport. Li ténnis por mannes es organisat per li Asociation del Ténnis-Professionales ATP. Li ténnis por mannes es organisat per li Ténnis Asociation de Fémininas (WTA). É li ATP é li WTA publica chascun semane un rang-liste de munde. It ne hay un oficial championatu mundal de ténnis, ma on sovente nómina li ténnis-torney de Wimbleton (Anglia) quam li ínoficial championatu mundal.