Sucre

Sucre es li cité capital de Bolivia, ma li sede del guvernament es in La Paz. Sucre es li sede del Suprem Tribunale de Bolivia. Li cité es nóminat desde li annu 1839 secun li ductor del revolution Antonio José de Sucre. Sucre es situat in li centre del sud-american land. Sucre apartene al Departamento Chuquisaca e al Provincia Oropeza.

Sucre

Li cité have 237.480 (2012) habitantes e es situat in un altore de 2808 metres. It have un area de 1,768 quadrat-kilometres.

Li cité esset fundat in li annu 1538 sub li nómine Ciudad de la Plata de la Nueva Toledo, acurtat quam La Plata. It anc havet li nómines Charcas o in Quechua Chuquisaca. It devenit li cité de capital de Bolivia. In li annu 1899 li sede del guvernament esset transfertet a La Paz, ma secun li constitution Sucre restat li oficial cité capital.