Selahattin Demirtaş

Selahattin Demirtaş es un politico del kurd minoritá in Turcia. Il nascet li 10-im de april 1973 in Palu e esset co-presidente del partise Democratic Partise del Popul (HDP). In li annu 2016 Selahattin Demirtaş esset arestat e esset condamnat in li annu 2024 a 40 annus prison pro political causes. Oficialmen il esset condamnat por propaganda por terrorisme e membritá in un organisation terroristic.

Personal e professional vive

Li familie de Demirtaş apartene al etnic gruppe de Zaza in li ost de Turcia. Selahattin Demirtaş studiat jurisprudentie in Ankara e laborat quam avocate. Il esset electet in li directoratu del organisation for homan jures İnsan Hakları Derneği in Diyarbakır e ducte li organisation in ti cité. Selahattin Demirtaş es anc membre del organisationes Türkiye İnsan Hakları Vakfı (TİHV) e Amnesty International.

Su seniori fratre Nurettin Demirtaş esset li presidente del interdictet kurd partise Democratic Partise del Societá quel esset interdictet in li annu 2009.

Selahattin Demirtaş es maritat con Başak Demirtaş e li cuple have du filias Dilda e Delal.

Political cariera

Il comensat su political cariera in li kurd partise Democratic Partise del Societá quel esset interdictet in li annu 2009.

2007 Selahattin Demirtaş esset electet quam índependent candidate in li parlament de Turcia in li Provincia Diyarbakır.
2010-2011 Pos li prohibition del Democratic Partise del Societá Demirtaş esset membre e presidente del Partise del Pace e Democratie (BDP).
2011 Selahattin Demirtaş es electet denov quam índependent candidate in li parlament de Turcia, ma retirat se pro su candidatura quam presidente del Partise del Pace e Democratie.
2014 Selahattin Demirtaş devenit membre del nov Democratic Partise del Popul (HDP) e es electet quam co-presidente de ti partise juntmen con Figen Yüksekdağ. Selahattin Demirtaş candidat por li oficie del presidente del Turcia e finit in li electiones presidential con 9,77 percentes ye li triesim rang li 10-im de august 2014.
2015 Selahattin Demirtaş es electet sur li liste del Democratic Partise del Popul in li parlament de Turcia.
2016 Selahattin Demirtaş esset arestat.
2023 Selahattin Demirtaş anunciat su retirada ex li politica.
2024 Selahattin Demirtaş esset condamnat a un sententie de plu quam 40 annus prison.