Sadyr Japarov

Sadyr Japarov (Садыр Жапаров) es un politico de Kirgizistan. Il nascet li 6-im de decembre 1968 in li village Keng-Suu in li Districte Tüp e es desde 28-im de januar 2021 presidente de Kirgizistan. Inter 26-im de octobre 2020 til 21-im de januar 2021 Sadyr Japarov esset temporarimen prim-ministre de Kirgizistan.

Sadyr Japarov
Sadyr Japarov
Land	Avise:KYR
Nascentie	6-im Decembre 1968 in Keng-Suu, Tüp
Partise	Mekenchil
Oficies
Presidente de Kirgizistan
Quande	28-im januar 2021 til nu
Antecessor	Sooronbay Jeenbekov
Prim-ministre de Kirgizistan
Quande	26-im de octobre 2020 til 21-im de januar 2021
Antecessor	Sooronbay Jeenbekov (anc Presidente)
Successor	Ulukbek Maripov

Sadyr Japarov studiat sport e jurisprudentie in Bishkek. Il esset director de un statal petroleo interprense.

Sadyr Japarov es maritat con Aigul Japarova.

Political cariera

• 2007 Sadyr Japarov es electet in li parlament de Kirgizistan por li partise Ak Jol. Il apoyat li presidente Kurmanbek Bakiyev e devenit un conciliero del presidente.
• 2008-2010 Presidente del Direction contra coruption.
• 2010 Japarov es electet por li partise Ata-Zhurt in li parlament.
• 2013 Japarov esset arestat por quar mensus pro su participation in li protestes in Karakol.
• 2014-2017 Japarov fugit de Kirgizistan a Cypria e habitat ta.
• 2017 Japarov provat retornar a Kirgizistan. Il es arestat e condamnat a 11 annus e 6 mensus prison pro li provat raption de Emilbek Kaptagaev.
• 2017-2020 Japarov esset in li prison, ma es liberat pos protestes e demonstrationes pro li parlamentari electiones 2020.
• 2020 Li 6-im de octobre til li 21-im de januar Sadyr Jarapov devenit temporarimen prim-ministre.
• 2021 Sadyr Japarov devenit li 28-im de januar 2021 presidente de Kirgizistan.

Politico

Sadyr Japarov es frequentmen descrit quam nationalist e populistic. Il li externi politico il suporta strett relationes con Russia. Sadyr Japarov es li presidente del nationalist partise Mekenchil.