Renato Usatîi
Renato Usatîi es un politico de Moldavia. Il nascet li 4-im de novembre 1978 in Fălești e es desde li 8-im de februar 2015 li presidente del partise populist Nor Partise. Renato Usatîi esset duvez borgomastro de Bălți e es un candidate por li electiones presidential in li annu 2024. Il es anc un rich e successosi interprendero e es director de un firma in Russia.
| Renato Usatîi | |
|---|---|
.jpg) | |
| Land |  Moldavia
|
| Nascentie | 4-im Novembre 1978 in Fălești |
| Partise | Nor Partise |
| Oficies | |
| Presidente del Nor Partise | |
| Quande | 8-im februar 2015 til nu |
| Antecessor | necun |
| Borgomastro de Bălți | |
| Quande | 1-im de novembre 2019 til 12-im de julí 2021 |
| Antecessor | Nicolae Grigorișin |
| Successor | Nicolae Grigorișin |
Personal e professional vive
modificarRenato Usatîi studiat al facultá por extran lingues e litteraturas al universitá de Bălți. Inter 2000 e 2001 Renato Usatîi esset supervisor del aeroportu del cité capital Chișinău. Inter 2002 e 2004 il esset li chef-ingeniero del firma Calea Ferată din Moldova (Moldovan Ferrovia). In li annu 2005 Renato Usatîi emigrat a Russia. In Russia il co-fundat li firma VPN-NT, quel productet equipament por ferrovias e have su sede in Nizhny Novgorod (Russia).
Renato Usatîi esset maritat con Carolina Tampiza e li cuple have du filias.
Political cariera
modificar- 2014 Renato Usatîi esset electet quam presidente del Repuplican Popul Partise, quel changeat su nómine in li annu 2015 in Nor Partise.
- 2015 Renato Usatîi devenit ye li 8-im de februar 2015 presidente del partise populist Nor Partise.
- 2015-2018 Renato Usatîi esset borgomastro de Bălți.
- 2019-2021 Renato Usatîi esset denov borgomastro de Bălți.
- 2020 Renato Usatîi candidat quam presidente de Moldavia e recivet 16,9 percentes e finit ye li 3-im rang.
- 2024 Renato Usatîi candida denov quam presidente de Moldavia
Politica
modificarRenato Usatîi es por un strett relation de Moldavia con Russia e criticaci contra li Europan Union.