Renascentie italian
Li Renascentie Italian (italian: Rinascimento [rinaʃʃiˈmento]) esset un periode in li historie de Italia durant li 15esim e 16esim secules. Ti period es conosset por li developament initial del plu long cultura renascentistic quel expandet tra Europa Occidental e signat li transition del Medievie al Etá modern. Proponentes de un "long Renascentie" argumenta que it comensat circa li annu 1300 e durat til circa 1600. In cert camps, un Proto-Renascentie, quel comensat circa 1250, es tipicmen acceptat. Li parol francesi renaissance (corrispondent a rinascimento in italian) significa "renascentie", e defini ti period quam un reviventation cultural e un renovat interesse in li antiquitá classic pos li secules durant queles li humanistes del Renascentie nominat quam li "eras obscur". Li historico italian del Renascentie Giorgio Vasari usat li terme rinascita ("renascentie") in su Vives del max excellent pintores, sculptores, e architectos in 1550, ma li concept devenit longmen conosset solmen in li 19im secul, pos li ovres de eruditos quam Jules Michelet e Jacob Burckhardt.