Recep Tayyip Erdoğan

Recep Tayyip Erdoğan es un politico de Turcia. Il nascet li 26-im de februar 1954 in Kasımpaşa, Istanbul e il esset inter li 11-im de marte 2003 e li 29-im de august 2014 li prim-ministre de Turcia. Desde li 28-im de august 2014 il es li presidente de Turcia. Inter 2001 e 2014 esset li presidente del conservativ-islamic Partise del Justicie e Developament/AKP presidente de Turcia.

Personal vive

Li familie de Recep Tayyip Erdoğan origina de Georgia. Erdoğan finit un religiosi gimnasium e studiat in Istanbul comcercial administration.

Recep Tayyip Erdoğan es maritat Emine Gülbaran. Li cuple have quar infantes: li du filios Ahmet Burak e Necmeddin Bilal e li du filias Esra e Sümeyye.

Political cariera

1970 Erdoğan esset electet quam chef del organisation del yunesse del Partise del National Órdine, quel esset prohibit in li annu 1971, in li districte Beyoğlu in Istanbul.
1972 Erdoğan devenit membre del Partise del National Salvation, quel esset interdictet.
1983-1998 Membre del Partise del Prosperitá til su prohibition.
1994-1998 Il esset li borgomastro de Istanbul.
1998-1999 Erdoğan esset incarcerat pro su political vispuntus.
1998-2001 Membre del Vertú Partise til li prohibition del partise.
2001-2014 Erdoğan esset li presidente del Partise del Justicie e Developament inter li 14-im de august 2001 e li 27-im de august 2014.
2003 Erdoğan devenit prim-ministre de Turcia.
2007 Erdoğan es electet denov in li parlament de Turcia.
2013 Erdoğan usa violentie contra demonstrantes in Istanbul.
2014 Erdoğan es li candidate de su Partise del Justicie e Developament por li oficie del presidente del state e ganiat li electiones ja in li unesim rond ye li 10-im de august.
2014 Il devenit li 28-im de august 2014 presidente de Turcia.

Politica e critica contra Erdoğan

Criticos reprocha Erdoğan que il vole transformar li seculari state Turcia in un islamic state que Erdoğan limita li democratic yures.