Popul Republica Luhansk

Li Popul Republica Luhansk (russ: Луга́нская Наро́дная Респу́блика) es un territoria in li ost de Ucraina quel es controlat de rebelles e it ha declarat li 12-im may 2014 su índependentie de Ucraina. Li Popul Republica Luhansk, abreviat anc LNR, ne es internationalmen aconosset, ma suportat financialmen e militarimen de Russia.

Flagga del Popul Republica Luhansk

Li Popul Republica Luhansk havet in li annu 2018 secun un estimation 1,464,039 million habitantes e un area de 8377 quadrat-kilometres.

• Presidente: Leonid Pasechnik
• Prim-Ministe: Sergey Kozlov

Historie

In li annu 2014 un gruppe de militant seperatistes prendet li controlle pri li cité suportat de Russia. Ili fundet li 28-im de april 2014 li Popul Republica Luhansk quel declarat li 12-im de may 2014 su índependentie.

In li annu 2015 li guerre esset cessat per li Tractate de Minsk. In li annu 2016 li Popul Republica Luhansk comensat emisser su propri passportes queles esset reconosset de Russia in li annu 2016. Til li julí 2021 ja 470.000 habitantes del Popul Republica Donetsk recivet passportes de Russia.

In li februar 2022 li parlament de Russia apellat al presidente de Russia Vladimir Putin aconosser li índependentie del Popul Republica Luhansk. Li 18-im de februar 2022 li presidente del Popul Republica Luhansk Leonid Pasechnik demandat li evacuation del cives del Popul Republica a Russia pro un expectat atacca de Ukraina.