PEGIDA
PEGIDA es un cives-movement e organisation in Germania contra li islamisation de Europa e Germania. Li nómine PEGIDA es li abreviation por Patriotische Europäer gegen die Islamisierung des Abendlandes (Patriotic europeanes contra li islamisation del occident). In li octobre 2024 Lutz Bachmann anunciat li fine del protestes.
Desde li autun 2014 li movement organisa masse-demonstrationes in Dresden contra li german e europan politica de inmigration e asil. PEGIDA combatte contra li islamic fundamentalisme. Li iniator e organisator de PEGIDA es Lutz Bachmann. In li 22-im de decembre 2014 ja 18.500 homes partiprende in li manifestation de PEGIDA in Dresden.
PEGIDA esset fundat quam gruppe in li social retage Facebook in li internet. Desde li 19-im de decembre 2014 PEGIDA es un registrat organisation in Germania. Anc in altri cités de Germania esset fundat simil gruppes secun li exemple de PEDIGA, ma ili ne atraet tant mult homes.
E li partises del german guvernmant e li levul partises del oposition in li german parlament ataccat PEGIDA fortmen e denunciat it quam rasistic e mem organisat demonstrationes contra PEGIDA. Malgré to li númere de participantes in li PEGIDA-demonstrationes crescet. Li dextri-conservativ partise Alternative por Germania suportat li scopes de PEGIDA.
Li 12-im de januar 2015 mem 25.000 partiprendet in li demonstration de PEGIDA in Dresden.
Li 19-im de januar 2015 posset evenir li demonstration de PEGIDA pro un interdiction del policie. Li policie de Saxonia anunciat que it havet informationes pri concret atentate-planes de islamistes contra Lutz Bachmann.
Pro interni quereles PEGIDA disunit se li 27-im de januar 2015. René Jahn e Kathrin Oertel e altri plu moderat membres del organisation fundar li 2-im de februar 2015 li movement Direct Democratie por Europa.
Organisation
modificarLi formal presidentie del organisation esset electet li 19-im de decembre 2014 e consistet ex tri persones:
- Presidente: Lutz Bachmann
- Vice-Presidente: René Jahn
- Tresorera: Kathrin Oertel
Li 21-im de januar 2015 Bachmann demissionat quam presidente del organisation pro que it esset decovrit que su facebook-págine have rasistic contenete e il mem travestit quam Adolf Hitler sur un fotografie. Li 27-im de januar 2015 anc Kathrin Oertel, René Jahn e altri membres del team de organisation demissionat pos massiv menacies e interni quereles.
Pos li separation li 9-im de februar 2015 li demonstration de PEGIDA in Dresden havet solmen 2000 particpantes, ma in li octobre 2015 li númere e participantes esset denov súper 8000.
In li octobre 2024 li presidente de PEGIDA anunicat li fine del organisation. In li fine ne essat mult persones che li demonstrationes de PEGIDA.
PEGIDA e electiones
modificarPEGIDA nominat Tatjana Festerling quam candidate por li electiones del borgomastro de Dresden in li junio 2015. Tatjana Festerling atinget in li unesim rond 9,6 percentes del votes. In li septembre 2015 Lutz Bachmann anunciat li formation de un political partise, ma til nu li proposition ne esset realisat.