Otto von Guericke
Otto von Guericke, nascet quam Otto Gericke, esset un fisico, inventor e politico de Germania. Il nascet li 30-im de novembre 1602 in Magdeburg e il morit li 21-im de may 1686 in Hamburg.
| Otto von Guericke | |
|---|---|
 | |
| Land | Germania |
| Nascentie | 30-im de novembre 1602 in Magdeburg |
| Morte | 21-im de may 1686 in Hamburg |
| Ocupation | Fisico, Inventor |
| Successes | |
| Inventor del vacuo-pumpe | |
| Quande | 1649 |
Personal e professional vive
modificarOtto von Guericke studiat al universitá de Leipzig al facultá de artistes inter 1617 e 1619. Il studiat jurisprudentie por quelc semanes al universitá de Helmstedt e inter 1621 e 1623 al universitá de Jena e inter 1623 e 1624 al universitá de Leiden jurisprudentie e li construction de forteresse. Otto von Guericke laborat quam ingeniero.
Otto von Guericke esset membre del consilie municial de Magdeburg. Il anc esset un del quar borgomastros de Magdeburg. In li annu 1666 imperator Leopold I nobilisat Otto von Guericke.
Otto von Guericke maritat in li annu 1626 Margaretha Alemann e li cuple havet du filios e un filia. Margaretha Alemann morit in li annu 1645 e Otto von Guericke maritat Dorothea Lentke.
Otto von Guericke quam scientist e fisico
modificarOtto von Guericke inventet in li annu 1649 li vacuo-pumpe e in li annu 1650 li balancie por aere. Il es un important scientist in li vacuo-tecnica. Otto von Guericke es anc activ in li astronomie.
Li universitá de Magdeburg porta hodie li nómine de Otto von Guericke.