Nicola Sturgeon

Nicola Sturgeon con plen nómine Nicola Ferguson Sturgeon es un femimin politico de Scotia in li Reyatu Unit. Ella nascet li 19-im de julí 1970 in Inverness e esset inter li 19-im de novembre 2014 e li 29-im de marte 2023 li prim-ministre de Scotia e inter li 14-im de novembre 2014 e li 27-im de marte 2023 presidente del Scot National Partise.

Personal vive

Nicola Sturgeon studiat jurisprudentie in li University of Glasgow. Pos su studies ella labotat quam avocate in Stirling e Glasgow.

Nicola Sturgeon es maritat con Peter Murrell qui es anc un alt functionario del Scot National Partise.

Ye li junio 2023 Nicola Sturgeon esset arestat pro ínregulari financies in li Scot National Partise.

Political cariera

1986 Nicola Sturgeon devenit membre del Scot National Partise.
1997 Sturgeon candidat sin successe por li parlament del Reyatu Unit quam candidate del Scot National Partise in li electoral districte Glasgow Govan.
1999-2007 Sturgeon esset un membre del nov parlament del Scotia quam candidate del Scot National Partise por Glasgow.
2004-2014 Vice-presidente del Scot National Partise.
2007-2011 Sturgeon esset electet quam membre del parlament de Scotia directmen quam candidate del Scot National Partise in li electoral districte Glasgow Govan.
2007-2012 Ministre por sanitá e prosperitá de Scotia.
2007-2014 Vice-prim-ministre de Scotia.
2011 Sturgeon esset electet quam membre del parlament de Scotia directmen quam candidate del Scot National Partise in li electoral districte Glasgow Southside.
2012-2014 Ministre por infrastructura, investment e cités de Scotia.
2014 Nicola Sturgeon es electet li 14-im de novembre 2014 presidente del Scot National Partise e li 19-im de novembre 2014 li prim-ministre de Scotia quam successor de Alex Salmond.
2014-2023 Prim-ministre de Scotland e presidente del Scot National Partise.
2023 Nicola Sturgeon anunciat li fine de su political cariera. Su successor quam prim-ministre de Scotland e presidente del Scot National Partise devenit Humza Yousaf.