Nagorno-Karabakh

(Redirectet de Nagorni-Karabakh)

Nagorno-Karabakh es un region in li Caucás quel es disputat inter Armenia e Azerbaidjan. In li septembre 1991 li region ha declarat se quam Republica Nagorni-Karabakh quam un índependent state, ma it ne es internationalmen aconosset. Desde li annu 2017 li Republica Nagorno-Karabakh changeat su nómine a Republica Artsakh. Per ataccas in li annus 2020 e 2023 Azerbaidjan reconquestat li region e Republica Nagorno-Karabakh es dissoluet til li fine 2023. Li armenian habitantes forlassat li region e translocat a Armenia.

Li flagga del Republica Nagorni-Karabakh

Li Republica Nagorno-Karabakh havet 134.800 habitantes e un area de 11.458 quadrat-kilometres. Li cité capital de Nagorno-Karabakh esset Stepanakert.

Li region apartenet durant li era del Soviet-Union al Socialist Soviet Republica Azerbaidjan, ma es habitat de armenianes. Durant li cade del Soviet-Union li habitantes de Nagorno-Karabakh volet devenir un parte de Armenia. Con li auxilie del Republica Armenia it declarat li septembre 1991 li índependentie. Li consequentie esset un guerre inter Armenia e Azerbaidjan. quel Armenia ganiat per li auxilie de Russia.

Li Republica Nagorno-Karabakh have tre strett relationes con Armenia. Li armé de Armenia protecte li land e it usa li valuta de Armenia. Azerbaidjan egarda Nagorno-Karabakh e li territorias circum it (nu controlat del quasi-índependent Republica de Artsakh) quam parte de su territorie. Li Principies de Madrid es un del possibil solutiones por li conflicte inter li du states.

Azerbaidjan ataccat Nagorno-Karabakh ye li 9-im de septembre 2020. Til li 9-im de novembre Azerbaidjan conquestat un ters del territorie de Nagorno-Karabakh. Russia successat in negociar un armisticie inter Armenia e Azerbaidjan.

Ye li 19-im de septembre 2023 Azerbaidjan comensat un novi militari atacca contra li Republica Nagorni-Karabakh. Pos solmen un die li guvernament del Republica Nagorno-Karabakh capitulat e li region deveni denov parte de Azerbaidjan. Li armenian habitantes forlassat li region e li institutiones del Republica Nagorno-Karabakh es dissoluet til li fine del annu 2023.

Sport modificar

Li max popular sport de Nagorni-Karabakh es football. Un National selection de Nagorni-Karabakh de football esset fundat in li annu 2012 e desde li annu 2009 esset fundat li Football liga de Nagorni-Karabakh.