Matteo Salvini

Matteo Salvini es un politico de Italia. Il nascet li 9-im de marte 1973 in Milano e es desde li 15-im de decembre 2013 li presidente del partise Lega Nord. Desde li 1-im de junio 2018 Salvini es ministere de interni aferes de Italia.

Personal e professional vive

Matteo Salvini comensat studiar historie in Milano, ma ne finit li studies. Il laborat quam jurnaliste. In li annu 1999 Salvini devenit li redactor del radio del partise Lega Nord Radio Padania Libera.

Matteo Salvini es divorciat e have du infantes.

Political cariera

1993-2013 Membre del consilie municipal de Milano.
1998-2004 Secretario del partise Lega Nord in Milano.
2004-2018 Membre del Europan Parlament por li Lega Nord.
2008-2009 Membre del Dom de Representantes del parlament de Italia.
2012-2013 Secretario del Lega Nord por li region Lombardia.
2018 Matteo Salvini esset li prim candidate in li parlamentari electiones de Italia 2018 por li Lega Nord e esset electet in li Senatu de Italia. Li 1-im de junio 2018 il devenit ministre por interni aferes de Italia.

Politica

Salvini ha transformat li Lega Nord de un regional seperatist partise a un national dextri partise. Il critica li illegal inmigration a Italia e es critical contra li Europan Union.