Martin Schulz

Martin Schulz es un politico de Germania. Il nascet li 20-im de decembre 1955 in Hehlrath, quel es hodie un parte del cité Eschweiler (Germania) in li país federal Nordrhen-Westfalia. Schultz es membre del Socialdemocratic Partise de Germania e esset inter januar 2012 e 2017 presidente del Europan Parlament.

Personal vive

1974 Schulz finit li scola.
1975-1977 Schulz fat un aprentisage quam librero.
1978-1982 Schulz laborat por diversi librerías e editorias.
1982 Schulz fundat un propri libería con editoria in Würselen. Il restat un del proprietarios til li annu 1994.

Martin Schulz es maritat e have du infantes. Il parla éxter su lingue matrin german anc anglesi, francesi, nederlandesi e italian.

1974 Martin Schulz devenit membre del Socialdemocratic Partise de Germania in li etá de 19 annus.
1984-1998 Il esset membre del consilie municipal de Würselen por li socialdemocrates.
1987-1994 Schulz esset borgomastro de Würselen.
1994-2017 Il esset membre del Europan Parlament quam representante del Socialdemocratic Partise de Germania.
2000-2004 Schulz esset presidente del gruppe del deputates del Socialdemocratic Partise de Germania in li Europan Parlament.
2003 Schulz devenit internationalmen conosset pro su conflicte con li ex-italian prim-ministre Silvio Berlusconi.
2004-2014 Schulz esset presidente del fraction Socialist Partise de Europa in li Europan Parlament.
2012 Schulz es electet quam presidente del Europan Parlament.
2014 Schulz es electet quam candidate del europan socialistes por li oficie dle presidente del Europan Comission.
2017 Martin Schulz esset prim-candidate por li oficie del prim-ministre de Germania del Socialdemocratic Partise de Germania, ma perdit li electiones al parlament de Germania con un tre mal resultate.
2017-2018 Presidente del Socialdemocratic Partise de Germania.
2017-2021 Membre del parlament de Germania.
2020 Martin Schultz devenit presidente del fundation Friedrich-Ebert-Stiftung.

Schulz esset anc vice-presidente del Socialist Internationale.