Marie-Agnes Strack-Zimmermann
Marie-Agnes Strack-Zimmermann , nascet quam Marie-Agnes Jahn, es un féminin politico de Germania. Ella nascet li 10-im de marte 1958 in Düsseldorf e ella es desde li 15-im de decembre 2021 presidente del comission por defense del parlament de Germania. Marie-Agnes Strack-Zimmermann es membre del Líber Democratic Partise de Germania e esset li prim-candidate de su partise e li liberal europan partise ALDE por li electiones al Europan Parlament in li annu 2024.
| Marie-Agnes Strack-Zimmermann | |
|---|---|
 | |
| Land |  Germania
|
| Nascentie | 10-im Marte 1958 in Düsseldorf |
| Partise | Líber Democratic Partise de Germania |
| Oficies | |
| Presidente del comission por defense del parlament de Germania] | |
| Quande | 15-im de decembre 2021 til nu |
| Antecessor | Wolfgang Hellmich |
Marie-Agnes Strack-Zimmermann suporta fortmen Ukraina in li guerre contra Russia e demanda que li guvernament de Germania livera plu e plu fort armes Ukraina. Ella anc suporta li conception de un feminist extern politica.
Personal vive
modificarMarie-Agnes Strack-Zimmermann studiat publicistica, political scientie e germanistica in München. In li annu 1986 ella fat su doctoratu. Inter 1989 e 2008 Marie-Agnes Strack-Zimmermann laborat índependent representante del editoria Tessloff Verlag in Nürberg, quel es specialisat a libres por yun letores.
Marie-Agnes Strack-Zimmermann es maritat con li representante de editorias Horst Strack-Zimmermann e li cuple have un filia e du filios.
Politica cariera
modificar- 1990 Marie-Agnes Strack-Zimmermann devenit membre del Líber Democratic Partise de Germania.
- 2004-2023 Marie-Agnes Strack-Zimmermann esset membre del consilie municipal de Düsseldorf.
- 2008-2014 Marie-Agnes Strack-Zimmermann esset vice-borgomastro de Düsseldorf.
- 2013-2019 Marie-Agnes Strack-Zimmermann esset vice-presidente del Líber Democratic Partise de Germania.
- 2017 Marie-Agnes Strack-Zimmermann es electet in li parlament de Germania por li Líber Democratic Partise de Germania.
- 2021 Marie-Agnes Strack-Zimmermann devenit presidente del comission por defense del parlament de Germania ye li 15-im de decembre 2021.
- 2024 Marie-Agnes Strack-Zimmermann esset li prim candidate del Líber Democratic Partise de Germania e del liberal europan partise ALDE por li electiones al Europan Parlament e devenit membre del Europan Parlament.