Magnus Carlsen

Sven Magnus Øen Carlsen es un chac-grandmastro de Norvegia. Il nascet li 30-im de novembre 1990 in Tønsberg (Norvegia). Li 22-im de novembre 2013 il devenit in Chennai (India) li 13-im champion mundal de chac.

Magnus Carlsen 2013

Magnus Carlsen aprendet in li etá de quin annus chac de su patre. In li julí 1999 il ganiat su prim chac-torney. In li annu 2004 ja in li etá de 13 annus Carlsen devenit chac-grandmastro e Carlsen mem victet li ex-champion mundal Anatoli Karpov in un rapid-chess torney in Reykjavík (Island). E il partiprendet 2004 por li prim vez in li championatu mundal del chess.

In li annu 2010 Carlsen esset por li prim vez li númere 1 in li rangliste mundal des chess. In li annu 2013 il devenit mund-champion per un victorie in li finale contra Viswanathan Anand de India, quel esset til ti finale li actuel champion del munde.

Carlsen ludet in Germania in li Chac-Bundesliga de Germania. In li seson 2004/05 por li club Schachfreunde Berlin e inter 2006 e 2013 por li OSG Baden-Baden e in Francia por li club Clichy Echecs 92.

Il habita in Bærum (Norvegia), quel es situat 15 kilometres lontan de Oslo.