Lingue auxiliari international

Un lingue auxiliari international es un lingue que have li scope de esser usat por li comunication inter persones de diferent nationes, qui ne have un lingue matrin commun. Un lingue auxiliari es primarimen un lingue foren e frequentmen un lingue constructet. Li concepte es relatet, ma separat del idea de lingua franca (o lingue dominant) que li persones deve usar por communicar inter se.

Classification

Lingues auxiliari zonal

Quelc lingues auxiliari have li scope de esser usat de alcun gruppe de popul, plutost quam omnes in li munde. Por exemple, li intentet usatores del Interslavic es tis qui parla Lingues slavic. Quelcvez, li intentet parlatores de un lingue auxiliari zonal ne parla lingues de li sam lingue familie. Por exemple, Manmin'o es por tis qui sta ost Asia, u popul parla lingues austronesian, lingues sinitic, junt con altri gruppe de lingues.