Leanne Wood

Leanne Wood es un femimin politico del Reyatu Unit ex Gallia. Ella nascet 13-im de decembre 1971 in Llwynypia e esset inter li 16-im de marte 2012 li e li 28-im de septembre 2018 li presidente del gallesi partise Plaid Cymru. Desde li annu 2003 Leanne Wood es membre del National Assemble de Gallia (regional parlament de Gallia).

Leanne Wood in li annu 2016

Personal e professional vive

Leanne Wood nascet in li village Llwynypia in li sud de Gallia. Ella adultijat e ancor habita in li village Penygraig. Wood studiat al University of Glamorgan. Wood laborat quam parole-oficiaria inter 1997 e 2000. Ella laborat in li auxilie-centre por féminas Cwm Cynon Women's Aid inter 2000 e 2001 e devenit li presidente del centre in li annu 2001.

Inter 2000 e 2003 Wood docet social-politica in li Universitá de Cardiff.

Ella have un filia Cerys Amelia. Su partner David Evans self-mortat se in li annu 2002.

Wood ne parla fluentmen gallesi.

Political cariera

• 1991 Leanne Wood adheret al gallesi national partise Plaid Cymru in li etá de 20 annus.
• 1995-1999 Consiliera in li borgo consilie de Rhondda Cynon Taf.
• 2000-2001 Wood laborat por li membre del Europan Parlament de Plaid Cymru Jill Evans quam political reserchas.
• 1997 e 2001 Wood candidat sin successe por un sede in li parlament del Reyatu Unit in li electoral-districte Rhondda.
• 2003 Wood esset electet li 1-de may 2003 in li National Assemble de Gallia in li districte Sud-Gallia Central por Plaid Cymru.
• 2007-2011 Wood esset portparola por durabilitá del regional guvernament de Gallia. Ella anc combattet contra coruption in li administration de Gallia.
• 2012 Wood esset electet quam unesim fémina li 15-im de marte 2012 al presidente del Plaid Cymru.
• 2012-2018 Presidente del Plaid Cymru.
• 2018 Leanne Wood perdit li electiones por li presidente del Plaid Cymru contra Adam Price.

Politica

Wood es por un índependent state de Gallia e por un ecologic, pacifistic un social politica. Li 8-im de januar 2007 ella esset arestat pro protestes contra li nuclear-arms programma del Reyatu Unit in Faslane.