Kolinda Grabar-Kitarović

Kolinda Grabar-Kitarović es un politico de Croatia. Ella nascet li 29-im de april 1968 in Rijeka. Kolinda Grabar-Kitarović esset electet quam presidente de Croatia li 11 januar 2015 quam candidate del Croat Democratic Comunitá. Ella es li unesim fémina qui esset electet quam presidente de Croatia.

Kolinda Grabar-Kitarović in li annu 2017

Personal e professional viveRedacter

Kolinda Grabar-Kitarović adultijat e finit li scola in li Unit States de America. Kolinda Grabar-Kitarović studiat anglesi e hispan in Zagreb. Pos to ella studiat international relationes in Zagreb. Inter 1995 e 1996 ella studiat in li Diplomatic Academie de Vienna (Austria).

Desde 1993 ella laborat in li ministerie de externi relationes de Croatia.

Ella es maritat con Jakov Kitarović e li cuple have du infantes.

Political carieraRedacter

  • 2003 Kolinda Grabar-Kitarović esset electet in li parlament de Croatia por li Croat Democratic Comunitá.
  • 2003-2005 Inter li 23-im de decembre 2003 e li 16-im de februar ella esset ministra por europan aferes.
  • 2005-2008 Inter li 17-im de februat 2005 til li 12-im de januar 2008 Kolinda Grabar-Kitarović esset ministra por externi aferes e europan aferes de Croatia.
  • 2008-2011 Ambassadora de Croatia in li Unit States de America.
  • 2011-2014 Assistenta secreatio general por public diplomatie del NATO.
  • 2014 Candidata del Croat Democratic Comunitá por li electiones presidential. In li unesim rond li 28-im de decembre ella ganiat 37 percent e atinget li duesim rond contra li actual presidente Ivo Josipović qui atinget 38,5 percent.
  • 2015 Kolinda Grabar-Kitarović es li 11 januar 2015 electet quam unesim fémina quam presidente de Croatia. In li duesim rond ella victet tre strettmen con 50,7 % contra Ivo Josipović.