Klaus Buchner

Klaus Buchner es un politico de Germania. Il nascet li 6-im de februar 1941 in München (Germania) e esset inter 2003 e 2010 li presidente del Ecologic Democratic Partise. Klaus Buchner esset membre del Europan Parlament por li Ecologic Democratic Partise inter 2014 e 2020.

Personal vive modificar

Klaus Buchner es li filio del zoolog Hans Buchner e su marita Edeltraud nascet Hartmann.

1960 Klaus Buchner finit li scola in München.
1960-1964 Buchner studiat fisica in München e Edinburgh (Scotia).
1965-1970 Il laborat in li Max-Planck institute por fisica e astro-fisica.
1970 Buchnet finit su dissertation.
1973-2006 Buchner laborat quam docente e professor por matematica in li Tecnical Universitá München.
2006 Buchner es pensionat.

Klaus Buchner es maritat con Rosemarie Buchner (nascet Schmidt-Pauly) e have quar infantes, un filio e tri filias. Un infante es adoptet ex un asil por orfanes in India.

Political cariera modificar

1983 Buchner devenit un membre del Ecologic Democratic Partise.
1990 Buchner devenit presidente del Ecologic Concil del partise.
2000-2003 Buchner esset vice-presidente del Ecologic Democratic Partise.
2003-2010 Buchner es electet quam presidente del partise contra Uwe Dolata. Dolata preferet que li partise concentra su eforties al sud-german partes de Germania, ma Buchner volet que li partise es activ in li tot de Germania.
2010 Sebastian Frankenberger esset electet quam nov presidente del Ecologic Democratic Partise, pro que Buchner ne candidat plu pro su etá.
2014-2020 Membre del Europan Parlament.
2014 Klaus Buchner es electet ye li position 1 del liste del Ecologic Democratic Partise por li electiones al Europan Parlament.
2014 Klaus Buchner es electet quam unesim e sol representante del Ecologic Democratic Partise in li Europan Parlament pos li partise ganiat 0,6 percent.
2019 Klaus Buchner es denov electet in li Europan Parlament.
2020 Klaus Buchner renunciat su mandate in li Europan Parlament e dat su sede in li parlament ye li 15-im de julí 2020 a Manuela Ripa.

Ligamentes extern modificar

Portrete de Klaus Buchner sur li internet-págine del Ecologic Democratic Partise