Kaja Kallas
Kaja Kallas es un féminin politico de Estonia. Ella nascet li 18-im de junio 1977 in Tallinn e es desde li annu 2018 li presidente del liberal Estonian Partise de Reformes. Kaja Kallas esset inter li 25-im januar 2021 til 23-im de julí 2024 prim-ministre de Estonia. Kaja Kallas es desde li 1-im de decembre 2024 Alt-representante del Europan Union por externi aferes e li politica de securitá del Europan Union in li Europan Comission.
| Kaja Kallas | |
|---|---|
 | |
| Land |  Estonia
|
| Nascentie | 18-im Junio 1977 in Tallinn |
| Partise | Estonian Partise de Reformes |
| Oficies | |
| Prim-ministre de Estonia | |
| Quande | 25-im januar 2021 til 23-im de julí 2024 |
| Antecessor | Jüri Ratas |
| Successor | Kristen Michal |
| Alt-representante del Europan Union por externi aferes e li politica de securitá | |
| Quande | 1-im de decembre 2024 til nu |
| Antecessor | Josep Borrell |
Personal e professional vive
modificarKaja Kallas es li filio del estonian politico Siim Kallas qui esset prim-ministre e membre del Europan Comission. Kaja Kallas studiat inter 1995 e 1999 jurisprudentie in Tartu. Desde li annu 1999 ella laborat quam avocate e devenit desde li annu 2003 membre in quelc direction del estonian firmas. Ella studiat anc al Estonian Business School.
Kaja Kallas esset juntmen con li estonian politico Taavi Veskimägi. Ella have un filio ex li relation con Veskimägi. In li annu 2018 ella maritat Arvo Halik.
Political cariera
modificar- 2010 Kaja Kallas devenit membre del liberal Estonian Partise de Reformes quel esset fundat per su patre Siim Kallas.
- 2011-2014 Membre del parlament de Estonia.
- 2014-2018 Membre del Europan Parlament por li liberal Estonian Partise de Reformes.
- 2018 Kaja Kallas devenit presidente del Estonian Partise de Reformes e prim-candidata de ti partise in li Parlamentari electiones de Estonia 2019.
- 2019 Kaja Kallas e su partise ganiat li Parlamentari electiones de Estonia 2019 e ella devenit candidata por li oficie del prim-ministre de Estonia.
- 2021 Kaja Kallas devenit li 25-im de januar 2021 prim-ministre de Estonia.
- 2021-2024 Kaja Kallas esset inter 25-im januar 2021 til 23-im de julí 2024 prim-ministre de Estonia.
- 2024 Desde li 1-im de decembre Kaja Kallas Alt-representante del Europan Union por externi aferes e li politica de securitá del Europan Union in li Europan Comission.