Juha Sipilä

Juha Sipilä es un politico de Finland. Il nascet li 25-im de april 1961 in Veteli e esset li prim-ministre de Finland inter li 29-im de may 2015 e li 6-im de junio 2019. Il anc es desde li 9-im de may 2012 li presidente del liberal-agrarian Centre Partise.

Juha Sipilä in li annu 2015

Personal e professional vive

Sipilä studiat ingeniero-scienties al universitá de Oulo. Juha Sipilä comensat un cariera in li gerentie de diversi firmas. Il comensat in li firma Lauri Kuokkanen Ltd. Il esset partner e gerent del firma Solitra Oy. In li annu 1998 il fundat con Fortel Invest Oy su propri firma. Inter 2002 e 2005 Sipilä esset director del firma Elekrobit.

In li annu 1991 Sipilä esset gerent director del fima Solitra e devenit li principal proprietario del firma in li annu 1994. In li annu 1996 Sipilä vendit Solitra al Amercia ADC Telecommunication e devenit millionario per to.

Juha Sipilä es maritat con Minna-Maaria Sipilä e li cuple have quin infantes. Li max yun filio Tuomo (nascet 1993) morit in li annu 2015.

Sipilä es adherente del luteran pietist movement del laestadianisme.

Political cariera

Sipilä esset quam studiante activ in li Finlandesi Centre Yunesse, quel es li ofical organisation de yunesse del Centre Partise.

• 2011 Sipilä es electet quam membre del parlament de Finland por li Centre Partise e devenit vice-chef del fraction del partise in li parlament.
• 2012 Sipilä es electet quam presidente del Centre Partise li 9-im de may 2012 con 1251 votes del delegates contra Tuomo Puumala qui recivet 872 votes.
• 2015 Con Sipilä quam ductor li Centre Partise ganiat li electiones parlamentari li 19-im de april 2015 con 21,1 percentes quam max fort partise e devenit li 29-im de may 2015 prim-ministre de Finland.
• 2019 Sipilä resignat quam prim-ministre pos il e su partise perdit li electione parlamentari.