Jimmie Åkesson

Per Jimmie Åkesson es un politico de Svedia. Il nascet li 17-im de may 1979 in Ivetofta. Desde li annu 2005 il es li presidente del dextri-populist partise Svedia-Democrates.

Jimmie Åkesson 2014

Personal e professinal vive

Jimmie Åkesson studiat political scienties in li universitá de Lund. Il laborat quam internet-designero in li firma BJM Aktiv, quel il ha fundat self con li Björn Söder quel es anc un alt functionario del Sved-Democrates.

Jimmie Åkesson es spondet con su amica Louise e li cuple have un filio Nils.

Political cariera

Åkesson comensat su political cariera in li yunesse-organisation del conservativ Moderat Partise de Svedia.

• 1995 Åkesson devenit un membre del yunesse-organisation del Svedia-Democrates.
• 1998 In li etá de 19 annus il esset electet in li consilie-municipal de Sölvesborg e in li sam annu il devenit membre in li directoratu del Sved-Democrates Yunesse, quel es li yunesse-organisaition del Svedia-Democrates.
• 2000-2005 Åkesson esset li presidente del Sved-Democrates Yunesse.
• 2005 Il es electet quam presidente del dextri-populist partise Svedia-Democrates quam successsor de Mikael Jansson.
• 2010 Åkesson devenit un membre del parlament de Svedia por li Sved-Democrates.
• 2014 Li Sved-Democrates duplicat li resultate del election 2010 e Åkesson denov intrat in li parlament de Svedia.