Jens Böhrnsen

Jens Böhrnsen es un politico de Germania. Il nascet li 12-im de junio 1949 in Bremen e es desde li annu 2005 borgomastro e prim-ministre del país federal Bremen por li Socialdemocratic Partise de Germania.

Personal e professional vive

Jens Böhrnsen studiat jurisprudentie in li universitá de Kiel inter 1968 e 1973. Inter 1978 e 1995 Böhrnsen laborat quam judico in Bremen.

Böhrnsen es trivez maritat. Ex su unesim maritage il have du filios. Su duesim marita Luise Morgenthal morit in li etá de 58 annus in li annu 2007. Desde li annu 2011 Jens Böhrnsen es maritat con Birgit Rüst.

Political cariera

1995 Desde ti annu Böhrnsen es membre del parlament del país federal Bremen por li Socialdemocratic Partise de Germania.
1999 Böhrnsen devenit presidente del fraction del Socialdemocratic Partise de Germania in li país federal Bremen.
2005 Böhrnsen esset electet li 8-im de novembre 2005 borgomastro e prim-ministre del país federal Bremen por li Socialdemocratic Partise de Germania.
2015 Böhrnsen declarat su demission quam borgomastro li 11-im de may 2015 pro li mal resultate del Socialdemocratic Partise de Germania in li electiones al parlament del país federal Bremen.