Li Jedi (/ˈdʒɛdaɪ/, null -s por li plurale) es un órden de mistic cavalleres in li universe de Star Wars (Guerres Stellari). Secun li historie de Star Wars, it es tre old con un fundation quel data til 25,000 annus ante li unesim filmes de Star Wars. Li centre del credentie del órden es li Fortie, li potentie quel liga e flue tra omnicos in li universe e quel li Jedi posse utilisar tra exercicie e meditation.

Emblème de l'Ordre Jedi.svg

Li arme de un jedi es nominat un lightsaber (luce-sabre), un sabre con un lame composit ex un cristalle quel da it su form, quel li jedi posse extender ex li tiruore o far extinter denov. In li prim filmes li luce-sabres esset verdi e rubi, poy on videt altris, includente purpur, yelb, blanc e nigri.

Li FortieRedacter

Li Fortie es central al filosofie del Jedi, qui studia e utilisa por auxiliar e protecter tis besonant it. Benque li luce-sabre es li cardinal arme del Jedi, secun George Lucas it have null relation con li Fortie: "Li Fortie have nullcos a far con li luce-sabre. Quicunc posse posseder un luce-sabre. It es un arme, just quam un pistol."

Li Jedi Mastro Qui-Gon Jinn unvez parlat pri li Fortie il Episode I quande il dit a Anakin Skywalker que "tui foco determina tui realitá." Anc in Episode IV Obi-Wan Kenobi dit Luke Skywalker que "Li Fortie es li cose quel da al Jedi su potentie. It es un camp de energie creat per omni vivent entes. It circumda nos, penetra nos, e liga li tot galaxe junt con it...un Jedi posse sentir li Fortie fluent tra se. It [in parte] controla tui actiones, ma it egalmen obedi tui comandas."