Janez Janša
Janez Janša, nascet quam Ivan Janša, es un conservativ politico de Slovenia. Il nascet li 17-im de septembre 1958 in Ljubljana e es desde li 13-im de marte 2020 denov prim-ministre de Slovenia. Janez Janša es li dominant politico del índependent Slovenia desde li annu 1991. Il ja esset prim-ministre de Slovenia inter 2004 e 2008 e 2012 til 2013. Janez Janša es li presidente del national-conservativ partisse Slovenian Democratic Partise desde li may 1993.
| Janez Janša | |
|---|---|
_(cropped).jpg) | |
| Land |  Slovenia
|
| Nascentie | 17-im Septembre 1958 in Ljubljana |
| Partise | Slovenian Democratic Partise |
| Oficies | |
| Prim-ministre de Slovenia | |
| Quande | 13-im de marte 2020 til nu |
| Antecessor | Marjan Šarec |
| Presidente del Slovenian Democratic Partise | |
| Quande | may 1993 til nu |
| Antecessor | Jože Pučnik |
Personal e professional vive modificar
Nascet quam Ivan Janša il ja desde su infantie esset nominat Janez. Il studiat sociologie, political scientie e jurnalisme in Ljubljana. Janez Janša esset membre del Comunist Liga de Yugoslavia, ma devenit un dissidente. In li annu 1983 Janez Janša expulset ex li Comunist Liga de Yugoslavia. Il criticat li Popul Armé de Yugoslavia in articules in li jurnal Mladina. Pro to il esset arestat in li annu 1988 e condamnat a 18 mensus in li prison.
Quam ministre de defense Janez Janša organisat successosimen li defense de Slovenia contra li atacca del Popul Armé de Yugoslavia in li annu 1991 pos li declaration de índependentie de Slovenia.
Janez Janša es maritat con Urška Bačovnik desde li annu 2009. Antey il esset maritat con Silva Predalič. Janez Janša have quar infantes.
Political cariera modificar
- 1989-1991 Membre del Slovenian Democratic Union.
- 1990 Janez Janša es electet in li parlament de Slovenia.
- 1990-1994 Ministre de Defense in li guvernament de Lojze Peterle.
- 1993 Janez Janša fundat in li may 1993 li national-conservativ partise Slovenian Democratic Partise e devenit su presidente.
- 2000 Ministre de defense.
- 2004-2008 Janez Janša esset prim-ministre de Slovenia inter 3-im de decembre 2004 e li 21-im de novembre 2008
- 2012-2013 Prim-ministre de Slovenia inter 10-im de februar 2012 e li 20-im de marte 2013.
- 2020 Janez Janša devenit li 13-im de marte 2020 denov prim-ministre de Slovenia.