Heinz-Christian Strache

Il Heinz-Christian Strache es un dextri politico de Austria. Il nascet li 12-im de junio 1969 in Vienna e esset inter li annus 2005 e 2019 presidente del dextri Partise del Libertá de Austria. Straĉe esset inter li 18-im de decembre 2017 e li 18-im de may 2019 vice-prim-ministre de Austria in li guvernement de Sebastian Kurz. Desde li annu 2020 Hans-Christian Strache es activ por li partise Team HC Strache - Alliantie por Austria.

Personal e professional vive

Heinz-Christian Strache laborat quam dentist-tecnico. Il comensat studiar historie in Vienna, ma ne finit li studie.

Heinz-Christian Strache es maritat in duesim maritage con Philippa Beck. Inter 1999 e 2005 Strache esset maritat con Daniela Plachutta e li cuple have juntmen du infantes..

Political carriera

Strache fa su political carriera quam membre del Partise del Libertá de Austria.

1990 Heinz-Christian Strache devenit membre del Partise del Libertá de Austria.
1991-1996 Membre del consilie de districte in Vienna.
1996 Strache devenint membre del parlament del país federal Vienna.
2004-2005 Presidente del organisation del Partise del Libertá de Austria in Vienna.
2005 Strache devenit presidente del Partise del Libertá de Austria li 24-im de april 2005.
2006 Strache es electet quam membre del parlament de Austria.
2017 Strache devenit li 18-im de decembre 2017 vice-prim-ministre de Austria e es responsabil por li sport e li statal functionarios.
2019 Strache resignat li 18-im de may 2019 quam vice-prim-ministre de Austria e quam presidente del Partise del Libertá de Austria pro li Ibiza-Afere. Li 13-im de decembre 2019 Strache esset excludet ex li Partise del Libertá de Austria.
2020 Strache candidat por li nov dextri partise Team HC Strache - Alliantie por Austria in li electiones del cité e federal land Vienna.