Gennadi Zyuganov

Gennadi Zyuganov
Gennadi Zyuganov
Land RussiaRussia Russia
Nascentie 26-im Junio 1944 in Mimrino
Partise Comunist Partise de Russia
Oficies
General-secretario del Comunist Partise de Russia
Quande Desde 14-im de februar 1993
Antecessor Valentin Kuptsov
Successor ne have

Gennadi Andreyevich Zyuganov (russ scrit: Геннадий Андреевич Зюганов) es un politico de Russia. Il nascet li 26-im de junio 1944 in Mimrino e es desde li 14-im de februar 1993 General-secretario del Comunist Partise de Russia.

Personal e professional viveRedacter

Pos li scola Gennadi Zyuganov laborat quam instructor in un scola in li annu 1961. In li annu 1962 il comensat studiar fisica e matematica in Oryol. Inter 1963 e 1966 Zyuganov servit in li armé del Soviet-Union. Il finit su studie in li annu 1969.

In li Soviet-Union Gennadi Zyuganov laborat quam professional political functionario del Comunist Partise del Soviet-Union.

Gennadi Zyuganov es maritat desde li annu 1967 con Nadeshda Vitalyevna Zyuganova (nascet quam Amelitcheva). Li cuple have un filio Andrey e un filia Tatyana.

Political carieraRedacter

  • 1966-1991 Membre del Comunist Partise de Soviet-Union.
  • 1993 Gennadi Zyuganov devenit membre e general-secretario del Comunist Partise de Russia.
  • 1993 Zyuganov es electet quam membre del parlament de Russia.
  • 1996 Gennandi Zyuganov candidat quam presidente de Russia e atinget li duesim rond, ma perdit in li duesim rond con 40,3 percentes contra Boris Yelcin.
  • 2000 Zyuganov candidat denov quam presidente de Russia e atinget 29,5 percentes e finit ye li duesim rang detra Vladimir Putin.
  • 2008 Gennadi Zyuganov atinget in li electiones presidential de Russia 18,0 percentes e finit ye li duesim rang detra Dmitri Medvedev.
  • 2012 Zyuganov atinget in li electiones presidential de Russia 17 percentes e finit ye li duesim rang.

PoliticaRedacter

Gennadi Zyuganov es un admirator del dictator Josef Stalin. Il suportat li anexe del Crimea in li annu 2014.