Franziska Giffey (nascet quam Franziska Süllke) es un féminin politico de Germania. Ella nascet li 3-im de may 1978 in Frankfurt (Oder) e esset borgomastro de Berlin inter li 21-im de decembre 2021 e li 27-im de april 2023. Desde li 27-im de april 2023 ella es ministre por economie, energie e firmas. Franziska Giffey es membre del Socialdemocratic Partise de Germania e esset ministre de Germania por familie, old homes, féminas e yunesse inter 2018 e 2021. In li junio 2021 ella perdit su academic gradu quam doctor pro que it devenit clar que su dissertation esset un plagiate.

Franziska Giffey
Franziska Giffey
Franziska Giffey
Land GermaniaGermania Germania
Nascentie 3-im May 1978 in Frankfurt (Oder)
Partise Socialdemocratic Partise de Germania
Oficies
Borgomastro de Berlin
Quande 21-im de decembre 2021 til 27-im de april 2023
Antecessor Michael Müller
Successor Kai Wegner
Ministre por familie, old homes, féminas e yunesse de Germania
Quande 14-im de marte 2018 til 19-im de may 2021
Antecessor Katarina Barley
Successor Christine Lambrecht

Personal e professional vive modificar

Franziska Giffey nascet quam Franziska Süllke in Frankfurt (Oder) e adultijat in Briesen in li German Democratic Republica. Franziska Giffey comensat studiat anglesi e francesi por devenir instructora, ma ella ne posset finir li studie pro sanitari causes. Pos to ella studiat administrativ jure in Berlin inter 1998 e 2001 e europan administrativ gerentie.

Inter 2003 e 2005 Franziska Giffey laborat in li representation de Berlin che li Europan Union e 2005 che li Parlamentari Assemblé del Consilie de Europa. Inter 2004 e 2009 ella laborat quam docente al Academie por Administration de Berlin.

Ella es maritat con li veterinnario Karsten Giffey e li cuple have un filio.

Political cariera modificar

  • 2007 Franzisaka Giffey devenit membre del Socialdemocratic Partise de Germania.
  • 2015-2018 Franziska Giffey esset borgomastro del District Neukölln in Berlin.
  • 2018-2021 Franziska Giffey esset Ministre por familie, old homes, féminas e yunesse de Germania in li guvernament de Angela Merkel, ma perdit li oficie pro li afere pri li plagiate de su dissertation.
  • 2020 Franziska Giffey es electet quam presidente del Socialdemocratic Partise de Germania de Berlin juntmen con Raed Saleh.
  • 2021 Franziska Giffey devenit li 21-im de decembre 2021 borgomastro de Berlin e esset electet in li parlament de Berlin.
  • 2021-2023 Franziska Giffey esset borgomastro de Berlin inter li 21-im de decembre 2021 e li 27-im de april 2023.
  • 2023 Franziska Giffey devenit in li guvernament del nov borgomastro Kai Wegner ministre (senatora) por economie, energie e firmas de Berlin.