Frans Timmermans

Franciscus Cornelis Gerardus Maria Timmermans es un politico de Nederland. Il nascet li 6-im de may 1961 in Maastricht e esset inter li 1-im de novembre 2014 e li 22-im de august 2023 vice-presidente del Europan Comission. Frans Timmermans es membre del socialdemocratic Partise de Labore e esset prim-candidate del Socialdemocratic Partise de Europa por li electiones al Europan Parlament 2019.

Personal e professional vive

Li patre de Frans Timmermans esset un diplomat de Nederland e su grand-patre laborat quam minero. Frans Timmermans studiat francesi litteratura in Nijmwegen e un annu al universitá in Nancy. Pos su studies Timmermans laborat quam docente e in li diplomatic servicie de Nederland.

Frans Timmermans parla sep lingues: nederlandesi, german, anglesi, francesi, russ lingue, italian e limburgesi.

Frans Timmermans es maritat por li duesim vez e have quar infantes.

Political cariera

1998-2007 Frans Timmermans esset membre del parlament de Nederland por li Partise de Labore.
2007-2010 Statal secretario por europan aferes in li guvernament.
2010-2012 Denov membre del del parlament de Nederland.
2012-2014 Ministri por externi aferes de Nederland.
2014 Frans Timmersmans devenit vice-presidente del Europan Comission.
2014-2019 Frans Timmermans esset inter li 1-im de novembre 2014 e li 22-im de august 2023 vice-presidente del Europan Comission
2019 Prim-candidate del Socialdemocratic Partise de Europa por li electiones al Europan Parlament 2019.
2023 Frans Timmermans devenit membre del parlament de Nederland por levul alliantie GroenLinks–PvdA.