Frank Franz

Frank Franz es un politico de Germania. Il nascet li 21-im de novembre 1978 in Völklingen e es desde li 1-im de novembre 2014 li presidente del extrem-dextri Nationaldemocratic Partise de Germania.

Personal e professional vive

Inter 1997 e 2004 Frank Franz esset soldate in li rang del sergeant-major in li german armé Bundeswehr. Il fat un education al fisioterapote inter 2003 e 2006. Desde 2008 il labora quam índependent computator-programmiste e grafico. Franz es li possessor de un internet-agentia e su agentia anc ocupa se pri li internet-activitás del Nationaldemocratic Partise de Germania.

Frank Franz es maritat e have tri infantes.

Political cariera

2004 Franz es electet quam presidente del disctricte-organisation del Nationaldemocratic Partise de Germania in Saarbrücken.
2005 Il devenit presidente in li organisation del Nationaldemocratic Partise de Germania in li país federal Saarland e per ti oficie automaticmen membre del federal presidentie del partise.
2009 Franz es electet in li consilie municipal de Völklingen.
2011 Il candidat sin successe quam borgomastro de Saarbrücken e recevit 2,8 percent.
2014 Frank Franz es electet li 1-im de novembre quam nov presidente del Nationaldemocratic Partise de Germania quam successor de Udo Pastörs sur li partise-congress in Weinheim.