Flor

Un flor es li reproductiv structura de florant plantes (plantes del division Angiospermae). Flores producte gametofites, quel in florant plantes consiste de un poc haploid celules que producte gametes. Li "mascul" gametofite, quel producte non-motil sperma, es incudet intern granules de polline; li "feminin" gametofite es contenet in li ovule. Quande polline ex li antere de un flor es depositet sur li stigma, to es nominat pollination. Alcun flores mey self-pollinar, productent semes con polline del sam flor o un diferent flor del sam plante, ma altrus have mecanismes por preventer self-pollination e usa cruce-pollination, quande polline es transfertet del antere de un flor al stigma de un altri flor sur un diferent individue del sam specie.

Pluri flores

Self-pollination ocurre in flores u li stámine e carpele matura al sam tempor, e es locat por que li polline posse cader sur li stigma del flor. Ti pollination ne besona un custa al plante a provider néctar e polline quam manjage por pollinatores. Alcun flores producte diaspores sin fertilisation (partenocarpie). Flores contene sporangiumes e es li plazza u gametofites developa.

Max florant plantes depende sur animales, quam apes, tineas, e papiliones, a transferter lor polline inter diferent flores, e have evoluet a atraet ti pollinatores per varie stratagemas, includent lucidmen colorat, prominent petales, atrativ odores, e li production de néctar, un fonte de manjage por pollinatores. Per ti metodes, multi florant plantes have co-evoluet con lor pollinatores a esser mutualmen dependent sur li servicies ili provide a unaltru: por li plante, medie de reproduction; por li pollinatore, nutrition. Pos fertilisation, li ovarium del flor deveni un fructe contenent semes.

Flores long ha esset apreciat per homes por lor bellitá e plesent odores, e ili anc have cultural significantie quam religiosi, ritual, o simbolic objectes, o quam fontes de medicamentes e manjage.

Vide anc

• Botanica
• Fisiologie de plantes
• Plante