Ewa Kopacz
Ewa Bożena Kopacz, nascet quam Ewa Bożena Lis, es un feminin politico de Polonia. Ella nascet li 3-im de decembre 1956 in Skaryszew[1] e esset inter li 22-im septembre 2014 e li 16-im de novembre 2015 prim-ministre de Polonia. Ewa Kopacz es un membre del liberal partise Platforma Obywatelska (Cives Platform). Desde li 3-im de julí 2019 Ewa Kopacz es un del vice-presidentes del Europan Parlament.
Personal e professional vive
modificarElla nascet quam Ewa Bożena Lis quam filia de un ferrero e un talliera. Ella adultijat in Lublin. Ella studiat in Lublin medicina e pediatrie. Til li annu 2001 ella directet un índependent centre de médices in Szydłowiec. Inter 1998 til 2001 Ewa Kopacz esset consiliera del parlament del Vojvodia Masovia.
.jpg)
Ewa Kopacz esset maritat con Marek Kopacz, qui morit in li annu 2013, e ella have un filia Katarzyna qui nascet in li annu 1984.
Political cariera
modificar- 2001 Ewa Kopacz devenit membre del liberal Platforma Obywatelska (Cives Platform).
- 2007-2011 Kopacz esset ministre por sanitá in li guvernament de Donald Tusk
- 2011-2014 Kopacz esset presidente del parlament de Polonia.
- 2014 Ewa Kopacz devenit li nov prim-ministre de Polonia li 22-im de septembre 2014 quam successor de Donald Tusk.
- 2014-2015 Ewa Kopacz esset prim-ministre de Polonia inter li 22-im septembre 2014 e li 16-im de novembre 2015.
- 2019 Ewa Kopacz es electet quam membre del Europan Parlament e devenit ye li 3-im de julí 2019 un del vice-presidentes del Europan Parlament.