Ethan Hawke
Ethan Green Hawke es un actor, autor e producent de filmes de USA. Il nascet li 6-im de novembre 1970 in Austin (Texas) e il es activ quam actor desde li annu 1985.
| Ethan Hawke | |
|---|---|
 | |
| Land |  USA
|
| Nascentie | 6-im de novembre 1970 in Austin, Texas |
| Ocupation | Actor |
Li unesim grand successe de Ethan Hawke esset li film Dead Poets Society in li annu 1989. Il ludet in li Before-trilogie de filmes Before Sunrise (1985), Before Sundown (2004) e Before Midnight (2013) juntmen con Julie Delpy.
In li annu 2012 Ethan Hawke ludet li rol de Ellison Oswalt in li horror-film Sinister.
Ethan Hawke es anc activ quam film-director. Il directet li filmes Chelsea Walls (2001), The Hottest State (2006) e Blaze (2018).
Inter 1998 e 2005 Ethan Hawke esset maritat con li actoressa Uma Thurman. Desde li annu 2008 Ethan Hawke es maritat con Ryan Shawhughes. Ethan Hawke have quar infantes. Su filia Maya Hawke es anc activ quam actoressa e anc su filio Levon Hawke labora quam actor.