Erna Solberg

Erna Solberg es un feminin politico de Norvegia. Ella nascet li 24-im de februar 1961 in Bergen e esset inter li 16-im de octobre 2013 e li 14-im de octobre 2021 prim-ministre de Norvegia. Erna Solberg es desde li annu 2004 li presidente del conservativ partise Høyre.

Personal e professional vive

Pos li scola Solberg studiat sociologie, political scientie, statistica e social-economie in li universitá de Bergen.

Desde li annu 1986 ella es maritat con Sindre Finnes e li cuple have du infantes.

Political cariera

1979-1983 Membre del consilie municipal del cité Bergen por li conservativ partise Høyre.
1987-1989 Membre del consilie municipal del cité Bergen por li conservativ partise Høyre.
1989 Solberg es electet in li norvegian parlament Storting.
1994-1998 Presidente del organisation del féminas del conservativ partise Høyre.
2002-2004 Vice-presidente del Høyre.
2004 Solberg es electet quam presidente del Høyre.
2013 Solberg devenit li 16-im de octobre prim-ministre de Norvegia in un coalition inter Høyre e li dextri populist Progresse Partise.
2013-2021 Erna Solberg esset prim-ministre de Norvegia inter li 16-im de octobre 2013 e li 14-im de octobre 2021.