Emiratu Dubai

Li Emiratu Dubai (arab: دبي) es un del sett emiratus del Unit Arabic Emiratus. It es situat sur li Arabic Peninsul al Persian Golfe in li nord-ost del Unit Arabic Emiratus.

Emiratu Dubai (دبي)

Cité capital	Dubai
Lingues	Arab
Area	3885 km²
Population	3 478 300
Valuta	Dirham (AED)

Diferent images del Emiratu Dubai

Li cité capital del Emiratu Dubai es Dubai e circa 85 percentes del habitantes del Emiratu Dubai habita in li cité capital.

Li Emiratu Dubai have 3.478.300 (2021) habitantes e un area de 3885 quadrat-kilometres. Li Emiratu Dubai have li max mult habitantes de omni sett emiratus del Unit Arabic Emiratus e Dubai es li max grand cité del state. Circa 85 percentes del habitantes del emiratu es extranos.

Li exclave Hatta del Emiratu Dubai es situat al frontiere con Oman in li Hajar-montania. Li max grand parte del Emiratu Dubai es deserte.

Li oficial lingue es arab e li islam es li statal religion.

Historie

Desde li annu 1833 li familie Al Maktum regna in li Emiratu Dubai. Desde li annu 1966 li petroleo-industrie devenit important in li emiratu.

Politica

Li Emiratu Dubai es un absolutist monarchie e ne hay un parlament o political partises.

Li familie del emir de Dubai have in li Unit Arabic Emiratus tradionalmen li functiones del prim-ministre, ministre por financies, ministre por defense e ministre por industrie in li guvernament del Unit Arabic Emiratus.

• Monarch: Emir Cheik Mohamed bin Rashid Al Maktum