Ely, Cambridgeshire

Ely es un cité-catedrale in li comitá Cambridgeshire in li est de Anglia. It es situat in li region de bass terren nominat «the Fens», sur un coline quel es li max alt punctu del Fens e esset un insul avan li drenation del Fens comensat in li 17. secul. Su nómine alude al anguilles (anglesi: eels) quel esset piscat circum li cite. Ely havet 20.256 habitantes in 2011.

Catedrale de Ely, vista del fluvio Great Ouse

Li historia del cite comensa con li fundation de un abatia in 673. Til 1086 it esset, quam li Domesday Book revela, li duesim max ric monastere di Anglia.

Li Catedrale modificar

In 1083 comensat li construction de un nov eclesia abatial, qual devenit in 1109 li catedrale del nov diocese de Ely, tranchat del diocese de Lincoln. Li prim phase de construction in li stil romanesc, finit in 1140, includet li ancor stant nave, transeptes e portion inferiori del turre west. Li presbiterie e extremitá est esset mult extendet 1234-52 in li stil gotic «tost anglesi».

Li grand capella de Nor Dama (Lady Chapel), separat del edificie principal, esset comensat in 1321 in li stil gotic «decorat». Li annu sequent li turre central del catedrale cadet in ruinas. It esset remplazzat del hodie existent Octagon, apoyat sur li cruciera per ott traves curvat de ligne.

Important projectes de restoration esset executet in li 18. e 19. secules e, max recentemen, de 1986 a 2000.

Ely hodie modificar

La population de Ely crescet de un triesim in li prim decennie del 21. secul. Su proximitá a Cambridge e su bon conexion ferrovial con London fa del cité un location residential popular.