Dirk Nockemann

Dirk Nockemann es un politico de Germania. Il nascet li 8-im de may 1958 in Hagen e es desde li annu 2017 presidente del dextri partise Alternative por Germania in Hamburg. Nockemann es li prim candidate del Alternative por Germania in li electiones al parlament del país federal Hamburg in li annu 2020.

Personal e profesional vive

Dirk Nockemann studiat jurisprudentie in Bochum. Pos su studies il laborat quam avocate. Desde li annu 1991 Nockemann laborat in li administration del país federal Mecklenburg-Vorpommeria e in Hamburg.

Dirk Nockemann es maritat desde li annu 1986 e il have un filio. Il habita in Hamburg-Bergedorf.

Political cariera

• In su yunite Dirk Nockemann esset activ in li Socialdemocratic Partise de Germania.
• 2000-2004 Membre del dextri-populist partise Partei Rechtsstaatlicher Offensive.
• 2001-2003 Membre del parlament de Hamburg por liPartei Rechtsstaatlicher Offensive.
• 2003-2004 Ministre por interni aferes de Hamburg.
• 2005 Nockemann devenit membre del Crist Democratic Union de Germania.
• 2007 Nockemann esset presidente del organisation German Partise del Centre in Hamburg.
• 2013 Dirk Nockemann devenit membre del dextri partise Alternative por Germania.
• 2014 Nockemann esset electet quam membre del consilie del Districte Bergedorf in Hamburg por li Alternative por Germania.
• 2015 Nockemann esset electet in li parlament de Hamburg por li Alternative por Germania e devenit vice-presidente del fraction por ti partise.
• 2017 Nockemann devenit presidente del Alternative por Germania in Hamburg.
• 2020 Nockemann es li prim candidate del Alternative por Germania in li electiones al parlament del país federal Hamburg in li annu 2020. Il esset electet denov quam membre del parlament de Hamburg.