David Albahari

David Albahari esset un autor de Serbia con judeic orígine. Il nascet li 15-im de marte 1948 in Peja, Yugoslavia (hodie: Kosovo) e morit li 30-im de julí 2023 in Beograd.

David Albahari
David Albahari
Land	Serbia Serbia
Nascentie	15-im de marte 1948 in Peja, Yugoslavia
Morte	30-im de julí 2023 in Beograd
Ocupation	Autor

Personal vive e carriera

David Albahari studiat litteratura e lingue in Beograd. Il esset presidente del Asociation de judeic comunitás de Yugoslavia. David Albahari auxiliat evacuar li judóes de Sarajevo.

David Albahari anc esset membre del Academia de Scienties de Serbia. Pro li crecant serb nationalisme David Albahari translocat a Canada in li annu 1994 e habitat in Calgary e il recivet li civitá de Canada. In li 2012 David Albahari retornat a Beograd. David Albhari anc laborat quam traductor. Il morit in li annu 2023 pro Parkinson.

Ovre

David Albahari publicat in li annu 1973 un colection de curt racontas. Il recivet diversi premies de litteratura pro su libres. Li ovres de David Albahari es li colection de racontas Opis smrti (Descrition del morte) in li annu 1982 e li romanes Gec i Mayer (1998) e Ludwig (2007). Su racontas e romanes esset traductet in mult lingues.

Colection de racontas

• 1973 Porodično vreme (Familial témpor)
• 1978 Obične priče (Customal racontas)
• 1982 Opis smrti (Descrition del morte)
• 1984 Fras u šupi
• 1988 Jednostavnost
• 1993 Pelerina
• 1994 Izabrane priče (Selectet racontas)
• 1999/2002 Neobične priče (Necustomal racontas)
• 2003/2005 Drugi jezik (Duesim lingue)
• 2006 Senke (Ombres)
• 2008 Svake noći u drugom gradu (Chascun nocte in un altri cité)
• 2017 21 priča o sreći (21 racontas pri li felicie)

Romanes

• 1978 Sudija Dimitrijević (Judico Dimitrijević)
• 1988 Cink
• 1993 Kratka knjiga (Curt libre)
• 1995 Snežni čovek
• 1996 Mamac
• 1997 Mrak
• 1998 Gec i Majer
• 2001 Svetski putnik (Viageator mundal)
• 2006 Pijavice
• 2006 Marke
• 2007 Ludvig
• 2008 Brat (Fratre)